Guðni Helgason

Hvernig lýst fólki á utanþingsstjórn, þar sem sérfræðingar hver á sínu sviði mundu stjórna landinu í einhvern tíma?

Ástæðan fyrir þessari uppásungu er að stjórnmálamenn geta ekki leyst vandamál.  Til þess hafa þeir enga þjálfun. Enda leysist aldrei neitt, það er bara talað og talað.

Það vissi ég svo sem að stjórnmálamenn, flesta a.m.k. vantaði alla tengingu við samfélagið. Nógu duglegir hafa þeir svo sem verið að þegja nú þegar kreppir að.

EN, útspili Þórunnar Sveinbjarnar átti ég hreinlega ekki von. Hvað þýðir þetta svona á mannamáli. Er þetta töf upp á 2-3 vikur þar sem þeir sérfræðingar sem unnu umhverfismat fyrir álver á Bakka og virkjanir tengdar því, bera örstutt saman bækur sínar og komast að sömu niðurstöðu og áður?

EÐA, er þetta töf sem kallar á gagngera endurskipulagninu á þeirri vinnu? Slíkt er væntanlega árs ferli. Sem betur fer eru enn til Alþingismenn hafa skoðanir eins og Kristján Þór Júl. sem segir nokkuð afdráttarlaust, hingað og ekki lengra!

Ég taldi mig ekki hafa forsendur til að kjósa Sjálfstæðisflokkinn, en nú er greinilega kominn tími til að endurskoða það. Því hvers vegna er maður yfirleitt að kjósa? Ég geri það til að velja fólk til forustu, fólk sem hefur skoðanir og tekur af skarið. Nú hafa tveir þingmenn Sjálfstæðisflokk, tekið skýra afstöðu, hafi þeir hugheila hjartans þökk fyrir.

Auglýsi ég eftir skoðun forsetisráðherra og utanríkisráðherra á þessu máli. Er Geir sammála þingmönnum sínum? Hefur Þórunn stuðning Ingibjargar Sólrúnar? SVÖR ÓSKAST!!!

Eftir neyslufýllerí almennings og misnotkun bankanna á ódýru lánsfé. Sitjum við nú í súpunni. Allir bíða eftir forustu, alla held ég að hungri í forustu. Það vantar menn á borð við Guðmund J Guðmunds og Einar Odd til að koma hlutunum í gang. Tími aðgerða er runninn upp, ekki skiptir lengur máli hvernig við komust hingað. Málið er að reyna að koma sér burt!

Eins og er erum við stödd í niðursveiflu, en það getur hæglega breyst. Ég held að nú séum við að sigla á ókortlögðu svæði, það veit enginn hvað er handan við hornið.

Ég er bara einn heima að læra undir próf. Það sækist bara nokkuð vel. Dania og strákarnir fóru til Akureyrar á halda upp á afmæli Tómasar Atla litla sem er orðinn 3ja ára. Veislan hjá litla kallinum er í dag, góða skemmtun.

Ég horfði á part úr Júróvision í gær, sæmileg keppni svo sem. Mér finnst samt að svona keppnir ættu að snúast um besta lagið. Það gerist víst seint.

Jæja best að snúa sér aftur að því að reikna hallandi bitavirki með formbreytingaraðferð. Þar kemur landamærapólitík ekkert við sögu ólíkt Júrovision. 

Síðasti leikurinn hjá Man Utd er víst í dag og þegar þeir vinna muna þeir lyfta Úrvalsdeildarbikarnum í 10. skiptið.  Ég er strax farinn að setja mig í stellingar og er tilbúinn að taka á móti hamingjuóskum, í hvaða formi sem þær verða.

Til hamingju með daginn Dania (Mæðradaginn). Þetta mun vera í 5. skipti, í röð sem Dania (eiginkona mín) hefur á loft mæðradagsbikarinn.

Best að reyna að gera eitthvað.