Búinn að sjá myndbandið af Baby-P

Þetta myndband er áhrifamikið, það eru enginn orð til sem lýsa því.  Engin orð eru nógu dýr. 

Að loknu áhorfi er í boði að horfa á mjög mörg myndbönd þar sem svipaðir hlutir hafa komið fyrir alltof mörg börn.

Hlakka til að sjá hann spila aftur

Gott að fá gamla manninn aftur, traustari markmenn er vart hægt að finna.

Van der Sar lék sinn fyrsta leik á tímabilinu

Nýjasta nýtt

Hvernig lýst fólki á utanþingsstjórn, þar sem sérfræðingar hver á sínu sviði mundu stjórna landinu í einhvern tíma?

Ástæðan fyrir þessari uppásungu er að stjórnmálamenn geta ekki leyst vandamál.  Til þess hafa þeir enga þjálfun. Enda leysist aldrei neitt, það er bara talað og talað.

Prófalestur

Ég er bara einn heima að læra undir próf. Það sækist bara nokkuð vel. Dania og strákarnir fóru til Akureyrar á halda upp á afmæli Tómasar Atla litla sem er orðinn 3ja ára. Veislan hjá litla kallinum er í dag, góða skemmtun.

Ég horfði á part úr Júróvision í gær, sæmileg keppni svo sem. Mér finnst samt að svona keppnir ættu að snúast um besta lagið. Það gerist víst seint.

Jæja best að snúa sér aftur að því að reikna hallandi bitavirki með formbreytingaraðferð. Þar kemur landamærapólitík ekkert við sögu ólíkt Júrovision. 

14.maí. Velheppnaður dagur

Síðasta eiginlega prófinu er lokið á þessu skólaári.  Landmælingar og mælitæki ráku lestina að þessu sinni.   Prófið var munnlegt og í tveimur hlutum,  Landmælingar  og  tæki  og  ARCGis  kortagerðarforrit.  Prófið gekk vonum framar, svona eiginlega, og ber höfuð og herðar yfir önnur munnleg próf sem ég hef farið í.

Einkunn er svo væntanleg á morgunn.

En lífið heldur áfram og í fyrramálið er það Mannvit verkfræðistofa sem tekur við.  Það er nefnilega sumarvinnan mín.  Spennandi, já þokkalega.  Enda í fyrsta skipti í 14 ár þar sem aðalstarfið verður annarsstaðar en hjá pabba.

Annars fór ég að skoða fartölvur í dag og sá ýmislegt álitlegt.  

Hérna heima í Austurbraut var HREINSUNARDAGUR í dag.  Allir fóru út og tíndu heilan helling af rusli sem safnast hefur í kringum blokkina.  Meiri háttar velheppnað framtak sem endaði með grillveislu.

Nokkuð góð leið til að kynnast fólkinu í húsinu og leyfa börnunum að leika sér saman.